購物車 0 產品 產品 (空)

暫無產品

待定 配送
$ 0.00 總計

前往結算

產品已被加入到購物車

數量
總計

購物車內有0 件產品。 購物車內有 1 件產品。

產品總計
運費總計  待定
總計
繼續購物 前往結算

PetNfans 網友心得分享

優質狗糧選擇

發表於 02/08/2016

貓同狗都係肉食性動物,佢哋嘅消化系統係特別適合以肉類為主食,以攝取足夠嘅動物性高蛋白質同脂肪。喺揀狗糧嘅時候有咩要注意呢?

1. 睇成分表排位

我哋喺揀狗糧嘅時候首先要學識睇包裝袋上嘅 Ingredients (成分),根據現行法例,材料排位愈前,含量愈高,例如狗糧包裝袋成分寫上:雞肉,火雞,雞肝。。。意思即係雞肉佔乾糧整體比例最高,其次為火雞、雞肝如此類推。

魚類同其他鮮肉都含有較高嘅水分,佢哋嘅重量會比其他蔬菜類或者穀物類高好多而喺成分上面排頭位,但魚類同肉類經過乾燥製作之後嘅重量可能仲少過排喺後面嘅其他成分。所以喺揀糧嘅時候最好睇晒成分表上頭五位,穀物嘅比重佔愈少愈好。

另一點要注意成分上面有無將一啲榖類植物性蛋白分拆為 2 – 3 類原料名稱,例如:將小麥 (35%) 分拆為小麥粉 (20%) 同小麥 (15%) 兩者加埋分分鐘多過排前面嘅肉類成分。

2. 肉類成分

根據美國飼料管理協會 (AAFCO) 對寵物糧嘅標準,最高等級嘅寵物糧應以 Meat (新鮮肉) 同 Poultry (禽肉) 作主要成分,例如:Lamb (羊肉)、Beef (牛肉)、Chicken (雞肉) 等;次一級為 Meat Meal (肉粉) 同 Poultry Meal (禽肉粉) 例如:Lamb Meal (羊肉粉)、Chicken Meal (雞肉粉) 等。

美國飼料管理協會 (AAFCO) 建議喺揀選寵物糧時,要揀啲主要成分為肉粉或禽肉粉以上等級。

肉粉同禽肉粉再次一級嘅成分就係 Meat and Bone Meal (肉骨粉) 同 By-Product (肉類副產品)。肉類副產品有可能係動物屠宰場棄置嘅癈物,呢啲物料有可能含有有毒嘅化學物如水銀、鉛。為咗狗狗嘅健康,我哋建議大家唔好買以肉骨呢啲狗糧啦!

揀狗糧同揀我哋平時食嘅食材一樣,愈天然嘅營養價值愈高、更易吸收。天然糧嘅特點係採用人類食品級數嘅食材、唔用副產品 / 4 D 製造 (指用 Died 已死、Diseased 有病、Dying 垂死、Disabled 傷殘嘅動物屍體)、唔落防腐劑同人造色素等有害成分。

天然糧嘅有效日期一般都比較短,開袋後要好好保存,唔係就會好容易變壞、發霉、生蟲等。所以開咗袋嘅狗糧要存放喺密實設計嘅容器入面、遠離潮濕嘅環境;最重要嘅係按返狗狗嘅食量,買適當嘅磅數,喺有效日期內盡快食用,保持新鮮!

 

我哋會睇吓狗糧入面有防腐劑、人造色素、調味料等對狗狗嘅唔好處。

1. 人造防腐劑

防腐劑係指天然或者合成嘅化學成分,用嚟防止細菌生長同繁殖,加喺各種食物入面延長佢哋嘅保存期。

唔好嘅狗糧就會選用一啲人造防腐劑例如:Ethoxyquin、Propyl Gallate、BHA 及 BHT 嚟降低成本、延長有效日期,呢啲人造嘅防腐劑係用化學合成,長期食用會對狗狗肝臟、腎臟都唔好㗎!

較好嘅狗糧會選用天然嘅檸檬酸、維他命 E 嚟做抗氧劑。

2. 人造色素

狗狗係唔會因為乾糧嘅顏色而增加食慾,狗糧入面加入人造色素對狗狗身體一啲好處都無,只係一啲商業糧商希望用顏色嚟吸引消費者購買。

如果你見到狗糧上面有以下呢啲人造色素:Red 40、Yellow 5 & 6、Blue 2、Titanium Dioxide 就最好唔好再俾狗狗食啦!

3. 調味料

有啲狗糧商會因為商業嘅原因,加入鹽、調味料 (Flavor)、甚至糖等落狗糧入面,目的係為咗吸引狗狗進食,但對狗狗嚟講鹽同調味料只會增加腎臟嘅負擔,引致皮膚病等。

4. 唔建議使用嘅成分

Animal Fat - 無明確指出係咩動物嘅油脂
Corn - 廉價嘅植物性蛋白質,容易產生敏感同難消化
Soybean - 廉價嘅植物性蛋白質,容易產生敏感同難消化
Sucrose、cane sugar、caramel、corn syrup - 狗狗長期攝取糖分會引致砫牙、肥胖等問題
Menadione Sodium Bisulfate - 狗狗長期吸收會維他命 K3 會引起好多不同嘅疾病

參考資料

  1. AAFCO對肉及其相關產品所下的定義
  2. <狗以食為天>真相 - 4. 寵物食品的成份(上)
  3. 先認識兩種「分量」標示 明報健康網
  4. 給泰迪犬買進口狗糧 一定要看懂這些英文標籤 童童寵物
  5. 【食】如何選擇好的狗糧 - 狗糧成分細細看
  6. The Dog Food Project - Ingredients to avoid
  7. The Dog Food Project - Menadione (Vitamin K3)

來源

此資訊由 PetNfans 寵物社交 App 提供。

下載 PetNfans Android 版應用程式下載 PetNfans iOS 版手機應用程式

分享給朋友

更多寵物資訊

讀者留言

Copyright © 2018 Espetsso Limited 保留一切權利。
關於 Espetsso | 聯絡 Espetsso | 購物流程 | 網站地圖 | 私隱及條款政策聲明