購物車 0 產品 產品 (空)

暫無產品

待定 配送
$ 0.00 總計

前往結算

產品已被加入到購物車

數量
總計

購物車內有0 件產品。 購物車內有 1 件產品。

產品總計
運費總計  待定
總計
繼續購物 前往結算

PetNfans 網友心得分享

如何預防跳蚤和牛蜱

發表於 19/07/2016

每年嘅 5 到 10 月都係蚊蟲孳生嘅旺季!好多時我哋都會聽到「落完雨唔好同狗狗去草地、公園玩!」、「夏天唔好同狗狗去行山,啲草叢有好多跳蚤、牛蜱!」等勸告。但成個夏天流流長又成日落雨,唔通我哋真係放假都唔好同狗狗出街玩?

跳蚤有「超級吸血鬼」之稱,狗狗俾佢咬到,除咗會令狗狗「周身痕」之外,主人都會㗎!跳蚤嘅繁殖速度好快,如果唔盡快殺滅就會愈生愈多,攪到「成屋都係」,分分鐘要用埋減蚤煙霧彈「炸屋」先殺得死!

另一個有「狗狗吸血殺手」之稱嘅牛蜱,同蚊、烏蠅一樣都係經常可以喺戶外發現嘅一種昆蟲,但牛蜱比蚊同烏蠅對狗狗嚟講恐怖得多,牛蜱會經由吸血將一啲血液寄生蟲如焦蟲 (Babesia) 同艾利希體 (Ehrlichia) 傳播俾狗狗,呢啲血液寄生蟲會令到狗狗短時間內出現貧血、嘔吐、肚痾、甚至唔食嘢等等症狀。萬一狗狗染上牛蜱熱又得唔到適當嘅治療、喺短時間內搵唔到合適血型嘅大型狗狗捐血嘅話,更會有生命危險!

當你發現狗狗身上有牛蜱時,千祈唔好就咁用手或者鉗夾走隻牛蜱!要用高濃度酒精棉花按實隻牛蜱「焗暈」佢,再用鉗貼住狗狗皮膚快速咁垂直夾起,記住千祈唔好「整爆佢」,牛蜱個肚入面有好多蟲卵,整爆咗啲卵出嚟無及時處理就會孵化成蟲,繼續寄居喺狗狗身上,形成一個惡性循環!雖然唔係隻隻牛蜱都帶有血液寄生蟲,但為咗你嘅寵物性命著想,萬一喺狗狗身上發現牛蜱甚至已經吸血吸到「漲卜卜」時要盡快帶去獸醫檢查,千祈唔好拖呀!

預防跳蚤同牛蜱最有效嘅方法係:每個月都要幫寵物滴頸;帶預防牛蜱頸帶;出街前用埋防蚤蝨噴霧等等。最重要嘅係每次去完草地或者公園玩,返屋企前記得要幫狗狗全身上下檢查清楚,特別係耳仔、下巴、腳掌、腳趾同肚皮呢啲位;跳蚤怕水,返到屋企記住幫狗狗沖返個靚涼啦!

參考資料

  1. 預防跳蚤及牛蜱 SPCA
  2. 狗隻剋星:牛蜱 Pet Element 圓方寵物
  3. 牛蜱熱(上):愛犬的隱形殺手 嚴慧芳醫生
  4. 牛蜱熱(下):預防與治療 嚴慧芳醫生
  5. 牛痺熱 Creature Comforts Veterinary Housecall Practice

來源

此資訊由 PetNfans 寵物社交 App 提供。

下載 PetNfans Android 版應用程式下載 PetNfans iOS 版手機應用程式

分享給朋友

更多寵物資訊

讀者留言

Copyright © 2018 Espetsso Limited 保留一切權利。
關於 Espetsso | 聯絡 Espetsso | 購物流程 | 網站地圖 | 私隱及條款政策聲明