貓狗必吃營養品 - 魚油

想寵物擁有健康嘅身體除左需要適量嘅運動仲要有完整均衡營養嘅飲食，但好多家庭每日返工放工無時間為寵物自家製新鮮而又有營養嘅食物，就算比佢地食含均衡營養嘅乾罐頭，都有可能缺少咗某啲重要嘅營養成分。

關節同皮膚嘅救星 — 奧米加 3 脂肪酸 (Omega-3 fatty acids)

一般嘅寵物糧攝取到嘅主要係 Omega-6 (於蔬果或動物性脂肪中)，而 Omega-3 (於魚油或亞麻籽油中) 則較少或缺乏。

Omega-3 不足容易引發各種毛病，如皮膚病、毛髮脫落、關節發炎、過敏、腸道發炎等，所以適量補充 Omega-3 對於增強免疫力、抵抗力、降血壓、降膽固醇、調節體重等各方面都好重要。

由於貓狗比較容易吸收來自動物嘅 Omega-3，所以大家可以選擇用深海魚油或磷蝦油嚟補充 Omega-3，但就唔建議用亞麻籽油和椰子油等植物油。

以上嘅分享係一班養貓狗人士嘅經驗心得，我哋並唔係專業嘅營養師或獸醫，若大家對貓狗嘅健康問題有所疑問，請向專業嘅營養師或獸醫查詢。祝大家嘅貓狗食得健康！