寵物同我哋一樣都會有傷風感冒嘅時候，如果發現貓貓突然打乞嗤、眼仔發炎、眼紅紅、流眼水、流鼻水、咳嗽、甚至「咪埋對眼」呢啲症狀，就要快快帶去獸醫度檢查啦！佢哋好可能患咗上呼吸道感染症、感染咗「貓流感」呀！

貓皰疹病毒 (FHV-1，feline herpesvirus-1) 係貓貓呼吸道疾病中常見嘅感染源，染病嘅貓貓會出現感冒嘅病徵，例如流鼻水、打噴嚏、呼吸雜音等，嚴重嘅甚至會引起其他併發症，例如氣管/支氣管炎、肺炎等；同人嘅流感病毒一樣都有好高嘅傳染性，受感染嘅貓咪眼鼻嘅分泌物中會帶有大量病毒，透過打噴嚏、咳嗽等症狀好容易就會喺貓間傳播；幼貓更可經母貓垂直傳染。

即使病好之後貓貓都會成為無病徵嘅帶原者，雖然佢哋無病徵唔會繼續傳染俾其他貓貓，但好大機會會隨著天氣變化、心情、壓力、營養、健康狀況改變而再發病。

離胺酸 (L-lysine)

離胺酸 (L-lysine) 係一種貓貓體內必需嘅胺基酸，對維持健康、成長發育、組織修復、維持免疫系統正常運作都好有幫助。貓貓係無法自行由體內合成離胺酸，必須由日常飲食例如牛奶，魚類，乳酪等食物中攝取。

市面上有各款專為寵物而設嘅離胺酸保健品，成份為天然嘅氨基酸 (Amino acids)，俾貓貓長期服用可以抑制皰疹病毒嘅繁殖，減少復發嘅機會率。

以上嘅分享係一班養貓人士嘅經驗心得，我哋並唔係專業嘅營養師或獸醫，若大家對貓貓嘅健康問題有所疑問，請向專業嘅營養師或獸醫查詢。祝大家嘅貓貓食得健康！

參考資料

1. 居家必備良品離胺酸 悠&咪
2. 為何貓需要吃離胺酸 活力藥師網
3. 【養貓心得】皰疹病毒與離胺酸 三貓成虎？
4. 貓科皰疹性過濾病毒引起的結膜炎 (Herpes Viral Conjunctivitis) 香港群貓會
5. Is Long-Term L-Lysine Safe for Cats? Dogster
6. Can Lysine Treat Cat Influenza? PetSci

來源

此資訊由 PetNfans 寵物社交 App 提供。

分享給朋友

更多寵物資訊

• 

  貓麥草、貓薄荷、木天蓼的分別及功用

  動物小知識

讀者留言